Baltasard, Christophle [1645], TRAITTÉ DES VSVRPATIONS DES ROYS D’ESPAGNE, SVR LA COVRONNE DE FRANCE, Depuis le Regne de Charles huictiesme. ENSEMBLE VN DISCOVRS SVR LE COMMENCEMENT, progrez, declin, & démembrement de la Monarchie Françoise, droicts, & pretentions des Roys Tres-Chrestiens sur l’Empire. AVGMENTÉ D’VN SOMMAIRE DES DROICTS de ceste Couronne, sur les Comtez de Bourgongne, Cambray, Haynault, de Genes & Luxembourg. ET LES VICTOIRES ET CONQVESTES DES ROYS LOVIS XIII. dit le IVSTE, & de LOVIS XIV. dit DIEV-DONNÉ, sur les Espagnols, & les Austrichiens, en Italie, Alsace, Flandres, Luxembourg, & Comté de Bourgongne, Catalogne & Roussillon. Par C. BALTASARD. , françaisRéférence RIM : Mx. Cote locale : D_1_6.
-- 43 --
Meillẽraiẽ, & de Schomberg, où elle fit assieger Coliourẽ, qui resista quelque
temps, puis se rendit : ce qui fit resoudre sa Maiesté de faire assieger Perpignan,
comme elle le fut vn assez long temps : en fin, faute de secours & de
viures elle se rendit, & par la prise de ceste ville, la conqueste entiere du
Comte de Roussillon fut asseuree au Roi.
VICTOIRES ET CONQVESTES DV ROY
LOVIS XIV. Dit Dieu donné.
Aprés la mort regretable du Roy Louis le Iuste, d’heureuse
memoire, le Roi present, son fils, commença à vaincre, &
regner tout ensemble : Car le 14. de May 1643. qui fut le
premier de son Auguste regne, & le 17. en suitte du mesme
mois, fut l’orient de ses triomphes, par la signalee Victoire
que son armée, commandee par le Duc d’Enguien remporta sur l’Espagnol
pres de Rocroy, où l’ennemi perdit plus de six mil hommes, grand
nombre de blessez, & cinq à six mille prisonniers, deux cens drappeaux,
cornettes & guidons : auec toutes leurs munitions & bagages : Perte signalee,
qui diminua d’autant plus les forces de l’ennemi, qu’il y laissa la meilleure
partie de toute son infanterie.
Le Duc d’Euguien voulant poursuiure sa victoire, par ordre de leurs
Maiestez, fit prendre à son armee le chemin de Luxembourg pour aller assaillir
la forte place de Thionuille, tenue pour imprenable à vn autre General,
qu’à ce genereux Prince. Il s’y porte de courage, auec vne armee victorieuse,
& prit tellement son temps, qu’asseuré qu’il estoit impossible à
l’Espagnol de la secourir, apres la perte d’vne bataille si importante, il en
fit les approches sans aucune apprehension de dehors, & par luy le Roi y
fut grandement ben serui, chacun se portant auec grande resolution
de faire à qui mieux, sans craindre le peril de l’entreprise, le courage
leur redoublant à la veuë d’vn General de tel sang, & de telle naissance, &
merite : en sorte que nonobstant toute la grande resistance des assiegez, ils
aimerent mieux prendre vne honorable composition, que se voir forcez
à perdre la vie en defendant vne place desesperee de tout secours.
La conqueste de Thionuille fut suiuie de celle de Sircq, petite ville pres
la Mozelle, du costé de Lorraine, que le Duc d’Enguien enuoya assieger :
mais l’apprehension qu’eut la garnison de ne pouuoir garder vne place
Baltasard, Christophle [1645], TRAITTÉ DES VSVRPATIONS DES ROYS D’ESPAGNE, SVR LA COVRONNE DE FRANCE, Depuis le Regne de Charles huictiesme. ENSEMBLE VN DISCOVRS SVR LE COMMENCEMENT, progrez, declin, & démembrement de la Monarchie Françoise, droicts, & pretentions des Roys Tres-Chrestiens sur l’Empire. AVGMENTÉ D’VN SOMMAIRE DES DROICTS de ceste Couronne, sur les Comtez de Bourgongne, Cambray, Haynault, de Genes & Luxembourg. ET LES VICTOIRES ET CONQVESTES DES ROYS LOVIS XIII. dit le IVSTE, & de LOVIS XIV. dit DIEV-DONNÉ, sur les Espagnols, & les Austrichiens, en Italie, Alsace, Flandres, Luxembourg, & Comté de Bourgongne, Catalogne & Roussillon. Par C. BALTASARD. , français Référence RIM : Mx. Cote locale : D_1_6.
|