laschement le col au ioug qu’vn seul estranger
leur impose ? nos neueux pourront ils croire
vne chose (quoy que veritable) si esloignée de
la vray semblance ? N’auons nous plus de sang
aux ongles ? & toute la France ne fera pas vn
souleuement general, pour inuestir de toutes
parts ce prodige d’horreur, afin qu’il ne leur eschappe ?
Non, ie voy bien que nous aymons
mieux l’esclauage que la liberté, & des fers
honteux, qu’vne glorieuse franchise. Au moins
s’il en faut demeurer là, ne me defendez donc
pas l’vsage de la parolle, & souffrez que ie mescrime
de la langue, puis que vous ne me voulez
pas ayder à mieux faire.

Il n’y a pas vn François qui ne die hautement
par tout qu’il est bon seruiteur du Roy, & il n’y
en a pas vn qui ne souffre qu’vn proscrit, qu’vn
Faquin, qu’vn Scelerat, qu’vn Tyran public,
& qu’vn impie ne le luy enleue, & ne se rende
maistre de son esprit & de ses volontez, pour
l’assujettir aux siennes. Il n’y en pas vn qui ne
souffre qu’il le fasse passer pour vn criminel
dans l’esprit du Roy, qu’il tourne les armes de
sa Maiesté contre luy, & qu’il cherche les
moyens de le rauir ou de le perdre. Il n’y en
a pas vn qui ne souffre qu’il pille tous les tresors
du Roy, qu’il pille tous ses Estats, & qu’il
ne perde entierement tout le Royaume.