des Corybanthes qu’aux allarmes de la Deesse
Bellone, ses delices plus recherchez sont plutost
dans les compartimens bien ordonnez d’vn parterre
à fleurer & sentir le musque des roses musquées
& des œillets, & à deuiser en ces lieux auec
les Dames, qu’aux sueurs des harnois & à la senteur
de la mesche, & aux escadrons armez d’vne
bataille, ces lieux là sont propres à luy & à ceux
qui comme luy, se veulent laisser charmer par
les oreilles, & par leçon delié d’vne chanterelle
bien pincée, que se trouuer à la chaleur d’vne
bataille, & de s’en durcir comme le diamant
contre la trempe du marteau.

Il veut la guerre, il la desire, il la fait dans vn
Cabinet, & ainsi que Mercure Dieu & grand
Maistre des chemins les monstre bien du doigt ;
mais il ne bouge & ne les fait pas. Ainsi cét
Asne Rouge & lasche enuoye bien la Noblesse
& les vaillans à la guerre, sans y aller & ne la veut
voir qu’en peinture. C’est vn autre Heliogabale,
vray pourceau d’Epicure, effeminé, infame &
voluptueux, lequel quoy qu’Empereur viuoit
neantmoins en toute sorte de luxure & de paillardise,
& eust vne vanité si grande qu’il vouloit
que les pots de chambre fussent d’or, aussi sa
fin fut elle de mesme que sa vie, car il fut tué en
vn ret rait où il s’estoit refugié, par le trou duquel
son corps ne pouuoit passer pour estre trop