sçait. Sans parler du reste, ie diray, que sortant
d’vn sang Sicilien, il est sorty d’vne nation qui
a tousiours esté ennemie du repos, qui luy est si
contraire, que sans trouble il n’est iamais à son
aise. Cét Asne Rouge a tres-bien retenu le naturel
de son sang, car depuis le premier iour qu’il
a esté esleué à la dignité de premier Ministre, il
a employé toute son industrie à entretenir le
trouble & la guerre par toute la Chrestienté, en
Allemagne, aux Pays-Bas, en Italie, & à present
en France, où il l’a allumée, & luy en fait ressentir
les effets si cruels, que ce que l’on peut dire
de la guerre, se cognoist veritable en celle-cy, &
par les vers suiuans qui font sçauoir les faits de
la guerre, & on en cognoistra la verité parmy
nous.

Depuis le retour de cét Asne Rouge en France,
& vn an auparauant, on y a veu la verité de
ses funestes impietez & trahisons, la Champagne,
la Picardie, la Brie, le Gastinois, la Guyenne,