& de soixante & quatre Monarques, en des
perils si manifestes. Tout vostre Royaume est
en feu, & vous feignez de distiler vne goutte
de rosée pour l’esteindre. Sortez de ces confusions
d’esprit, Sire, & reprenez ce cœur de
Pere de vos peuples, que Dieu vous a donné
en vous donnant à eux Faites de grace, comme
dit nostre Royaliste, que le passé ne soit
plus qu’vne illusion ou qu’vn songe imaginaire :
& à l’imitation qui se fera de ce renouuellement
de l’Vniuers, lors que les Astres retourneront
dans leur premier estre, remettez
chaque chose au lieu naturel où elle estoit à
la naissance de nos troubles, & vous verrez
apres que Mazarin sera chassé de tous vos
Estats, vostre Maiesté dans sa premiere authorité,
les Princes à la Cour & dans le Conseil, &
vos Peuples dans vne parfaite obeissance,
puis que Dieu le veut ainsi pour le salut vniuersel
de toute cette Monarchie.

FIN.