Sortant du Palais sur le midy, il donna connoissance
aux peuples de la paix qu’il auoit faite &
qu’elle auoit esté acceptée & confirmée dans le
Parlement, qu’il auoit ordonné de la faire publier
par toute la ville, qu’il s’estoit rendu caution pour
eux & qu’il leur respondoit de la seureté des conditions
de la paix au peril de sa vie, exortant tout
le monde à l’obeïssance de leurs Maiestez, ils en
disent autant aux places du marché, à la maison
de Ville & autres lieux des plus grandes affluances
du peuple, ce qui les asseura tellement que lors
retãtissoit par tout de Viue le Roy, il y en eust mesme
plusieurs qui tieterent des larmes de ioye luy entendant
pronõcer qu’il estoit leur caution & qu’il
mouroit auec eux pour la conseruation de la Paix,

Il n’y eust qu’à la porte de sainct Iulien où vne
certaine troupe de païsans, la pluspart plains de
vin animés sous-mains par quelques flateurs qui
apporterent de la resistance à luy obeïr : car au
lieu de faire estat de ses remonstrances il luy presenterent
le mousquet en iouë & luy firent courir
risque de sa vie, ce qu’ayant apperceu il iugea à
propos de s’en retourner à l’Archeuesché pour trauailler
& mettre ordre aux autres affaires, auquel
lieu sçachant que desia on auoit rendu le Chasteau
du Ha, cessé la garde par tout ailleurs, & rendu la
maison de Ville aux Iurats.

Et bien que cette resistance ne dureroit pas, &