Autre nouuelle du 23. Aoust 1649.

LA guerre de cette Prouince est desia bien
eschaufée, bien que les troupes du Parlement
ne soient pas encore toutes arriuées en cette
ville. Pour empescher la leuée de celles de Sauuebeuf
& de la Mote hautefort nostre Gouuerneur
a fait inutilement courir le bruit d’vn traité
d’acommodement, dont les esprits sont entierement
éloignez. On en reçeut vne semonce la
semaine passée par vne lettre du sieur de Cominges
escrite au President la Trene : Elle portoit
en substance, que ce President estoit bien informé
du pouuoir de Cominges, comme l’estoit
aussi le sieur de Mirat, celuy des Deputez
qui est icy de retour ; Qu’en vertu de ce pouuoir
il estoit prest de traitter dans la maison de Portez
(qui luy sembloit bien commode) auec deux
Conseillers, mesme de ceux qui n’ont pas esté rétablis
de l’interdiction generalle ; & pour fin à
cette lettre, venez (disoit-il) chercher la paix que
vous auez reiettée. Mais les termes de cette lettre
estimez par le Parlement peu respectueux,
non seulement parce que Cominges rafraichissoit
la memoire de l’interdiction, & leur reprochoit
d’auoir refusé la paix : mais encore parce
qu’il traite de Sieur vn de leur corps, & parle à
tous en ton de commandement : On ne douta