fait éclater par tout où elle est dignement reconnuë,
n’est pas inserée dans les Registres du
Parlement c’est parce que la tyrannie de ce Ministre
s’estoit emparée durant ce temps la du trône
de l’equité, & par ce moyen la iustice ne pouuoit
pas estre renduë à qui elle estoit raisonnablement
deuë.

En vn mot, chose tres horrible, c’est parce que
le tyran qui regnoit alors, ayant le mesme dessein
que le vostre a de s’emparer de la Couronne, ne
le pouuoit pas faire auec quelque apparence de
iustice, de laquelle il s’estoit rendu tyranniquement
le souuerain, qu’en faisant declarer son veritable
& legitime successeur, incapable d’y succeder,
par vne declaration qu’il auoit fait faire au
Roy deffunt, & verifier à Messieurs du Parlement
le poignard à la gorge. Il y a des temps où il faut
necessairement que ceux qui se sont vne fois laissez
suppediter, par vne trop grande indulgence à
la mesme tyrannie qui les oppresse, cedent quelque
chose à la violence du tyran, quand ils ne sont
pas en estat de resister à ses tyrannies. C’est vn
effect de la plus raisonnable & de la plus sublime
prudence des hommes. Et certes si ceux qui sont
contraints de faire quelque chose au gré de ces
superbes Tyrans estoient criminels, toute la France
seroit criminelle de s’estre despoüillée elle mesmes
de tous ses thresors, pour en reuestir ces sang-suës