Souz la foy de ce traitté on m’a fait retirer,
on m’a desarmé : mais il n’y a plus de foy, plus
de parole. Lors que ie croyois que tout fust appaisé,
on a esleué plus haut ce trophée de la liberté
publique, ce nid de tyrannie, deux cens
cens miserables paysans iour & nuict, les iours
de Feste ont esté contraincts de bastir leur prison,
de forger leurs chaisnes & celle de toute
la Guyenne, de faire les entraues des Perigordins,
Limosins & tous les peuples du voisinage :
on a multiplié le nombre des harpies rauissantes,
& de ses vautours qui ne se nourrissent
que de vostre sang : on a faict conduire de
Broüage sans ordre du Roy, par le complot de
deux Gouuerneurs, qui abusent de l’authorité
de leurs charges, des Canons, des Mortiers, à
Bombes à Libourne : on a enuoyé contre les
Loix de l’Estat, les Ordonnances, la derniere
Declaration, leuer la subsistance de quatorze
cens hommes, quoy qu’en effect il n’y aye
dans Libourne que trois ou quatre cens malheureux,
qui ne meritent pas le nom de Soldats,
& cette leuée, ou plustost vollerie publique,
se fait à main armée. C’est le suject du depart
de Monsieur d’Argenson de cette Ville,
inserée en la Declaration dõt la teneur s’ensuit.