C’est le suject de nos armes : Tous ceux qui
seront ennemis du seruice du Roy, de leur patrie,
de la pieté, de la religion, qui ayment la
seruitude & les chaisnes, sont nos ennemis :
Ceux qui preferent l’interest du Roy, ses commandemens,
ses ordres à ceux d’vn Gouuerneur,
qui doit obeyssance à son Maistre, comme
tous les autres Sujects, qui a receu plus de
grace, de bien, d’honneurs, qu’autre du Royaume,
sont nos amis : Ceux qui demolissent
les Hospitaux, les Eglises, pour esteuer des
Citadelles, qui veulent opprimer le Clergé, la
Noblesse, le Tiers Estat, qui declarent la guerre
à Dieu, aux Euesques, à la Iustice, au Peuple,
sont nos ennemis, & nous partons pour
vanger la querelle de Dieu, seruir le Roy, &
nostre Patrie commune : Et esperons qu’il n’y
aura point d’homme si lasche, qui abandonne
nos interests, & soit traistre à son Roy & sa Patrie.

FIN.