& indissoluble auec vous, declarant qu’ils s’opposeront
à tous ceux qui voudroient se seruir du
nom de Mazarin, pour nous obliger à nous souzmettre
aux loix de ceux qu’il nous donneroit, qui
seroit vn blasme à nous & vn reproche immortel à
nos nepueux, qui regretteroient qu’vne nation si
genereuse se seroit ainsi abbaissée. Non, MESSIEVRS,
cela ne se dira iamais de nous, au contraire
nous sommes prests de sortir auec six mil Gentils-hommes
au moins, & bon nombre de gens de guerre
pour empescher que ce tyran ne s’empare d’aucune
place parmy nous, & concurreront auec vous,
obeïssans à vostre Arrest pour le chasser, non seulement
hors de la Prouince, mais hors les limites du
Royaume, si besoin est, en luy refusant nos Portes &
nos Ports, que nous garderons tousiours dans le seruice
du Roy, auec nostre fidelité naturelle.