liberté, & qui croiroit la pẽsee de sortir de l’esclauage
criminelle, trois iours apres qu’il fust entré dãs la
ville il cõmanda ses satellites d’aller mettre à mort
quantité de pauures innocẽs qui ne songeoiẽt qu’à
se réjouïr à cause de la Paix, l’execution cruelle &
barbare éueilla tous les Citoyens qui prindrent les
armes pour leur defense, ont courageusement laué
dans le sang de ces traistres l’affront que le Parlement
a receu en la personne de plusieurs Conseillers
qui ont esté in dignemẽt pendus & estranglez.

Tous ces mauuais traittemens, les trahisons &
barbaries ayant esté exercees en Guyenne & en
Prouence, le Languedoc qui est l’entre-deux, a
par vne iuste apprehension resolu de preuenir pareils
accidens, & par ainsi les trois Prouinces se sont
vnies ensemble, ont enuoyé leurs Deputez au Parlement
de Paris, pour sçauoir s’ils veulent se ioindre
auec eux, ou plustost demeurer ioints les vns
les autres, & trauailler en semble pour la deliurãce
des peuples qui sont opprimez par la tyrannie.

Il y à vne telle liaison & vne si grande corresponce
entre les parties du corps humain, quelles ont
non seulement du ressentiment les vnes pour les
autres, mais mesmes estant affligez, elles s’entredonnent
vn secours. Les plus Nobles enuoyent
quantité d’esprits aux moins Nobles qui sont offensees,
& celles-cy en contre change ne font aucune
difficulté de receuoir le coup qui estoit porté
aux autres, comme nous voyons que la main pare