Vn impotent, vn cul de jatte
Par trop bondir feroit cagatte ;
Iamais bestail tant ne dança,
De trente mille mois en ça,
Orphée a la main estourdie
Sans voir teste ou jambe alourdie.
Quoy ces bestes dancent encor
C’est trop, Vacher sonne du cor,
Bon soir le sonneur licencie,
Le bestail qui le remercie,
Dans sa noce on a mal dancé ;
Mais il en est recompensé,
Par ce bal grotesque & sauuage,
Qu’il fait dancer à son veuuage.

[1 mot ill.] le vray semblable
[1 mot ill.] bon à qui hable
[1 mot ill.] mon amy,
[1 mot ill.] & demy.

Fin de la premiere Partie.

Du quatorziesme May mil six cens quarante-neuf, Permission a esté
donnée à Sebastien Martin, d’imprimer l’Orphée grotesque, auec le Bal
rustique, & la suite de l’Orphée ; Auec defense à tous autres de l’imprimer
ou faire imprimer, en quelque volume & caractere que ce soit,
ny contrefaire sous pretexte de changer de titre. Acheuè d’imprimer
le 18. May 1649.