Mener la haye sa parente
En branle bourée & courante,
Quoy la bruiere au corps leger,
Semble en gauotte voltiger.
Ce halier mesme se debande
Pour s’esgayer en sarabande,
La broussaille dance par haut,
La ronce à l’enuy va par saut,
La griesche ortie en cadence,
Fait voir que tousiours va qui dance ;
Le houx & son cousin chardon
S’emillent à chaque fredon,
Lors qu’vn Asne ayant le cœur fade
Cherche le chardon pour salade :
L’Asne estonné du Bal nouueau,
Ne trouue point en son cerueau,
La raison de cette merueille,
Et son bel instinct luy conseille,
D’auertir ses parens grisons
Qui broustent dans leurs garnisons ;
A cette nouuelle azinique
Vn gaillard esguillon les pique,
Et iusqu’au moindre asne est tenté
De cette curiosité.
L’asne semonneur de la feste
Comme guide marche à la teste :
Cheuaux, mulets, rosses, poulins,
Grands & petits, beaux & vilains,

Page précédent(e)

Page suivant(e)