il le porta de grand matin à Monsieur le Menuisier
qui trouua le tout assez aggreable à son goust, hors
qu’il luy sembla à voir que les couleurs estoient vn peu
trop sombres, Monsieur luy dit le Peintre c’est que
vostre tableau a esté vn petit aupres du feu pour le secher.
Mais si les couleurs vous semblẽt trop brunes ou
sombres, ie l’ay fait expres pour leur conseruation, outre
plus, si vous les voulez voir plus claires & luissantes,
vous n’auez qu’à lauer vostre tableau auec vn seau
d’eau, & l’essuier auec vne seruiette blanche, & vous
verrez merueilles : Mais vous n’auez que faire de faire
cecy que lors que vous aurez compagnie d’amis, le
Menuisier ce contenta de ce que luy dit le Peintre,
& luy donna de l’argent autant comme y luy en auoit
promis, lequel alla voir ces Messieurs auec qui il auoit
complotté de faire piece au Caporal, ausquels il dit la
trousse qu’il luy auoit faite, & que auparauant qu’il fût
long temps, ils en pourroient entendre parler ce qui
arriua Dimanche dernier, lendemain du iour S. Augustin,
nom que porte nostre Menuisier Caporal, lequel
payant sa feste, & se réjoüissant auec plusieurs de
ses amis, ne manqua point à les entretenir des vaillances
qu’il auoit faites pendant la guerre, & mesme
leur monstra ce magnifique tableau, lequel fust
trouué beau de quelqu’vns de la compagnie qui ne se
connoissoient pas beaucoup en peinture ; Mais quelques
autres dirent que les couleurs auoient trop d’obscurité,
cela est vray dit le Menuisier. Mais à cela il y a
bon remede ; apporté de l’eau dit-il à son apprentif,
l’apprentif apporta vn seau d’eau à son Maistre, & vne
seruiette blanche, l’orguielleux Menuisier ne voulust

Page précédent(e)

Page suivant(e)