honteux de se renfermer par lâcheté : Municius
sans resistance obeït à ce commandement,
se retira en homme priué, dont il a
esté approuué de Tite-Liue, qui dit que
l’homme doit obeïr à ceux qui ont autorité sur
luy, les esprits bien nés n’ont point de peine
à ce deuoir ; mais ceux qui n’aspirent qu’au desordre
sont contraires à toute bonne discipline,
& ce sont ces hommes brutaux qui troublent
la quietude & le repos de tous les autres :
L’Obeïssance nous rend paisibles en cette vie,
& bien-heureux en l’autre ; Malheur sur ceux
qui la contestent, les Sages en font l’argument
de leur gloire, le centre de leurs desseins,
& toute la satisfaction de leur conduite ;
Mais qui pourroit refuser d’obeïr à Dieu & au
Roy, puis que nostre salut temporel & eternel
depend de nos submissions, & que nous
n’aurons d’honneur & d’auantage que celuy
que la parfaite Obeïssance nous donnera : La
sainte Ecriture exalte l’Obeïssance que Ioseph
rendit à Iacob son pere, lors qu’il luy commanda
d’aller apprendre la cause du retardement
& trop long sejour que ses freres faisoient
aux champs ; parce que sçachant la haine
qu’ils auoient contre luy, ce n’estoit pas
sans hazard qu’il alloit à vn lieu eloigné, & qui
fauorisoit leurs mauuais desseins ; mais son

Page précédent(e)

Page suivant(e)