comme en tutelle, & par le moyen de la Reyne qui
fauorise tous leurs damnables desseins. Cependant
que ce chef des factionnaires s’en va leuer de nouuelles
Troupes pour les rauages qu’il pretend faire
& qu’on abuse le peuple dans la credulité de son
esloignement.

Que si l’on oppose bien tost les Estats Generaux
à cette ligue pour la dissiper nous allons tõber entre
les mains de nos ennemis, dont la tyrannie se rẽdra
épouuãtable. Il est impossible de preuenir tous
ces maux qui nous menacent encor de nouueau,
qu’en prenant les resolutions d’abbatre tous ces factieux,
de donner retraite à la Reyne en son appanage,
le pouuoir qu’elle vsurpe à son A. R. le commandemẽt
des Armée au Prince de Condé, & faire
sans differer le procez au C. M. à tous ceux qui se
treuueront engagez auec obstination dans les interests
criminels & injustes ; estãt infaillible que l’execution
de toutes ces choses qui est au pouuoir des
Estats Generaux, remettra le Roy sur son Trosne &
en pleine liberté de regner sur ses peuples qui jouïront
d’vn calme asseuré sous la bonne conduitte de
son A. R. & sous les triomphants efforts du Prince
de Condé, à repousser les Ennemys ialoux de nostre
bon heur hors des limites de cette Monarchie.

FIN.