leur mal-heureuse & fatale domination au depend
de la vie des miserables Sujets, qui n’ont point dequoy
se parer contre cette horrible tyrannie, que
le grand ressort des Estats, qui a tousiours calmé
tous les troubles de France.

Charles Martel, en depit de Eudon, qui troubloit
tout le Royaume pour y maintenir son authorité,
en obtint la conuocation : & cette Assemblée ayant
prononcé en sa faueur & rebutté cét insolent Ministre,
deliura la France de sa tyrannie & la sauua de
la desolation eternelle qui apportoient les Sazarins,
introduits par ce factieux & rebelle ennemy, qui fut
contraint par apres de se ioindre à ce Prince des
François, pour combattre ceux qu’il auoit appeliez
à son secours.

Le mesme remede employé pendant la prison du
Roy Iean fut si efficax, qu’il dissipa toutes les vaines
pretensions des Anglois, qui s’imaginoient desia tenir
la Couronne en leur disposition : outre que la
Reine Ieanne, veufue de Charles le Bel, par ses soins
& sa bonne conduite, appaisa la Guerre Ciuile qui
s’alloit allumer entre le Dauphin, & Charles de
Nauarre : Cette bonne Princesse les gaigna tous
deux sans auoir pris aucun party, & les porta à la
Paix, qui fut tres profitable à tout le monde : Rare
exemple d’vne Reine pour le temps present, qui
n’auoit point d’autre employ dans l’Estat que celuy
d’appaiser les factions & les querrelles. Nous
en souhaitterions aujourd’huy vne pareille ; mais