fera iamais la premiere proposition de son retour
en France.

C’est vne verité qui ne souffre point de contestation
que celuy qui introduit dans vn estat vn ennemy
declaré, est conuaincu du Crime de leze Majesté,
& que trahissant sa patrie, son honneur, & la
foy publique qui doit à ses compatriotes, il merite
de receuoir le chastiment porté par les Loix, & doit
estre marqué d’infamie à sa posterité. Ce pere du
peuple Romaine n’épargna pas ses propres enfants
en vne pareille occasion, si tost qu’il eut appris qu’il
negotioient sous main pour le retablissement de
Tarquin le superbe, qui auoit esté chassé de Rome,
& declaré l’ennemy de la Republique, il les fit venir
en sa presence & en plaine assemblée du peuple
il les fit foüetter de verges, supplice le plus indigne
d’vn Cytoien Romain, il ne se contenta pas de ce
traitement, il fit luy mesme leur procez & Brutus
deposant la qualité de pere pour prendre celle de
Iuge inexorable, porta l’Arrest de mort contre son
propre sang, & le fit executer en sa presence.

Ce sage Politique iugeoit bien qu’il estoit tres-dangereux
de receuoir vn Ennemy puissant declaré
tel par les Arrests du Senat, & chassé honteusement
du Gouuernement qu’il croyoit lui deuoir appartenir
par succession legitime, parce qu’il l’auoit vsurpé.
Le C. M. s’estant rendu maistre de l’esprit de la
Reine, se croit bien legitimemẽt estably dãs le ministere
de tout cét Estat, & se figure que l’on luy fait