poids. Personne ne doubte que la Ville de Paris,
estant la Capitalle du Royaume ne soit celle qui
donne le bransle à tout le corps Aussi comme les
plus sçauans mettent le siege de l’ame dans la teste,
le Roy qui amime l’estat doit faire sa residence
dans cette noble Ville, pour departir à toutes les
autres les Rayons de l’authorité Royalle qui semble
n’auoir que Paris pour son Trosne, & où elle se
trouue cõme dans son Ciel. La Statuë on recite que
Phidias ayant fait de Minerue, il disposa en telle sorte
touttes les pieces de son ouurage qu’on ne pouuoit
remuer celle qui le representoit sans perdre le
tout, nous pouuons dire que Dieu ayant fait son
Chef d’œuure dans l’establissemẽt de la Monarchie
Françoise, il a voulu mettre dans la Ville de Paris
le Roy qui est son Image, & qu’on le peut arracher
de cette Ville que tout l’ouurage, c’est à dire
la Monarchie ne vienne à se depecer. Nous auons
veu pendant l’absence du Roy combien toutte la
France à souffert, Toute la Cour à souffert de cét
esloignement, & il semble que les interests de la
Ville Paris soient tellement attachez auec ceux
du Roy, qu’ils sont inseparables les vns des autres,
& que par de sympathie quand l’vn a de l'incomodité,
l’autre ne peut estre à son aise.

Nos Princes & le Parlement ne pouuant plus