dans la prosperité mesme. On vous a dit mille fois
que c’est vn mauuais Conseil, qui ne peut iamais
changer, puis que Dieu mesme a retracté quelquesfois
ses decrets & ses ordonnances, & c’est
trop d’iniustice, de croire que les desirs d’vne seule
personne doiuent preualoir sur ceux de tout vn
Royaume. Voyez que toute l’Europe vous veut
mal de cette resistance aux ordres du Ciel ? Que
la Reyne de Suede en tesmoigne de l’affliction,
mais quoy, cette jeune Princesse ne vous fait-elle
pas des leçons de generosité ? Elle a vescu sans fauory,
dans ses plus tendres années, & dans vostre
dernier aage vous refusez d’en esloigner vn, qui
ne peut rester auprés de vous, sans causer vn deluge
de maux en vostre Estat. Où peut estre
maintenant vostre esperance, s’il demeure aupres
de vous, ou qui peut finir le cours de
vostre déplorable bannissement ? Vostre armée
est forte en effet, mais la fortune ne
suit pas le mouuement de vos inclinations, &
comme c’est dans le pays du Roy vostre fils, que
vos Chefs combattent, la victoire mesme doit
auoir des horreurs pour vostre esprit, par ce qu’elle
détruiroit son Empire & ses sujets. Que si comme
vous n’auez que cette armée qui vous soustienne,
elle estoit enfin surprise ou deffaite, ou
que la sedition se meslant entre les Officiers dont
les murmures esclatent desia heutement, en dissipast
l’appareil, à quels perils ne verriez vous point
vostre vie, & celle de vostre confident exposée ?

Page précédent(e)

Page suivant(e)