l’exalaison au sein de la nuë, & vous vous
perdez en voulant perdre les autres. Chaque iour
diminuë de vostre force, & semble adjouster à celle
de vos ennemis, qui deuiennent puissans par
vostre mauuaise conduite, & par la crainte qu’on
a de vostre restablissement. Ne vous assurez point
tant aux droits du Sceptre, puis que vous voyez
par experience, que la constellation qui regne n’est
point fauorable à ceux qui le portent, & qu’on se
déprend peu à peu de l’opinion qu’il soit iamais
bien acquis, qu’à celuy qui sçait en bien vser. Ne
rendez point le vostre odieux par la continuation
des rigueurs que vous exercez contre Paris. Sçachez
que la faim en l’irritant contre vous, loin de
le dompter vous le rend plus ennemy, & que vous
n’y pouuez iamais rentrer si puissante que vous en
estes sortie ? Qu’est au reste vostre esloignement
de Paris, qu’vn specieux bannissement ? Et ne
voyez-vous pas que c’est vne punition du Ciel,
qui vous chastie par vostre propre déreglement.
Que ne terminez-vous cét exil, par l’esloignement
de la personne qui le cause, puis qu’elle est indigne
de vous. Pensez que Mazarin & le Sceptre ne sont
point des sujets à balancer, qu’il faut perdre l’vn
ou l’autre, & peut-estre tous les deux, si vous ne
pouuez prendre cette resolution ? Mais quels charmes
à ce Mazarin, qui vous obligent à preferer
l’heur de sa presence à vostre repos, & au salut de
tout vostre Empire. Peut-estre il est innocent de
tout ce dont la France l’accuse, excepté d’auoir emporté

Page précédent(e)

Page suivant(e)