remportiez la victoire (ce que j’espére qui n’arrivera
iamais) qu’elle satisfaction aurez-vous
d’avoir abbrevé vostre Patrie du Sang de ses
Enfans, & de vous esleuer vn Throphée des
Corps de vos Compatriotes, pour ne pas dire
de vos Freres.

Que cette Republique estoit loüable qui donnoit
plus de recompence pour auoir sauué vn
Cytoyen, que pour auoir tué dix ennemis ; &
que vous seriez coupable si vous auiez à leur
rendre compte de vos actions ? Quittez donc,
MONSEIGNEVR, ce party si déraisonnable,
sécourez le peuple de paris, & vengez
l’outrage qu’on leur veut faire ; abandonnez
vn homme que ses crimes ont fait hayr de tous
les peuples, qui a tasché de faire perir vostre
Altesse au siege de Lerida, la laissant manquer
de tout ce qui lui estoit necessaire pour vne si
haute entreprise ; & ainsi vous serez beny
d’vn chacun, & vostre Nom sera en bonne
odeur à tous les Peuples de la France.