Henry troisiesme de Castille,
Prouince bien riche & fertile,
Reuenant vn iour de chasser
Affin de se mieux delasser
Voulut aller droit à la table
Quand son cheual fut à l’estable,
Mais ayant dit sa volonté
Il ne trouua rien d’appresté ;
Entrant donc en colere, il mande
Son Maistre d’hostel, & demande
Pour quel suiet on n’auoit pas :
Pour lors appresté son repas
Le Maistre d’hostel luy dit, Sire,
Vraiment ie ne vous l’osois dire,
Mais pour vous parler franchement
Ie ne sçache pas seulement
Vn Marauedis dans ma poche,
Et ce qui vous est vn reproche
Ie n’ay pas, pour vous heberger,
De quoy seulement engager.
Le Roy surpris de ce langage
Changea tout à coup de visage,
Et par vn acte tout nouueau
Bailla luy-mesme son manteau,
Pour auoir de la chair de Chevre
Qu’on luy seruit auec vn lieure
Qu’il auoit luy-mesme apporté
Dont son disner fut appresté.
Pendant cette espace il s’enqueste
D’où luy venoit cette disette,
Et le comme il en fut aduerty
Par vn homme de son party,
Il reconneut les pilleries,
Les larcins & les volleries,

Page précédent(e)

Page suivant(e)