souueraines, & neantmoins ce Conseil
d’Estat ne laisse pas d’estre si aueuglé en son deuoir,
qu’il aime mieux voir l’Estat tout perdu,
que d’inspirer vne bonne pensée à ceux qui causent
tous nos desordres. Ne voyent-ils pas bien
que toutes leurs façons de faire, nourrissent
toutes les esperãces des ennemis de cette Couronne :
les armes sont iournalieres, & les succés
en sont incertains ; c’est pourquoy ils ne deuroient
pas souffrir que le Roy hazardast son
Royaume pour vne petite complaisance. C’est
vn seruice que vous deuez à Dieu, au Roy, & à
vostre Patrie : Vous le deuez à Dieu, au nom de
qui vous estes obligez de faire tout le bien qu’il
vous est possible : Vous le deuez au Roy, de qui
vous ne pouuez hazarder l’Estat, sans estre criminels
de leze Maiesté : & vous le deuez à vostre
Patrie, en faueur de qui vous estes obligez de
vous immoler vous-mesmes.

C’est vn seruice que vous deuez à la raison,
qui dit qu’il faut preferer l’interest public à l’interest
particulier : C’est vn seruice que vous deuez
à vostre conscience, qui vous defend de
perdre vn Royaume pour conseruer vne mauuaise
opinion : & c’est vn seruice que vous deuez
à tout l’Estat, si vous ne voulez estre traitez
comme vne partie cangreneuse.

La Reyne ne sçauroit dissiper les orages qui