Anonyme [1652], L’ASNE ROVGE, DÉPEINT AVEC TOVS ses deffauts, en la personne du Cardinal Mazarin. I. Sur son incapacité & maniement des affaires. II. Sur son ignorance & ambition démesurée. III. Sur ses actions & entreprises, qui font cognoistre ses trahisons & perfidies, contre l’Estat. , françaisRéférence RIM : M0_85. Cote locale : B_12_56.
Page précédent(e)

Page suivant(e)

-- 19 --

Les preceptes pour faire le Roy, ne se tirent que
du regne, & il en faut voir plusieurs pour sçauoir
qu’elles en sont les fonctions, celles des personnes
priuées les fuient tous les iours, mais les Royales
ne naissent & n’éclattẽt qu’aux grandes occasiõs.

Comme Adaldague, pour auoir esté Secretaire
d’Estat 50. ans des trois Othons Empereurs, Gaspard,
Schilick, de Sigismond, d’Albert & Frideric
III. ont esté iugez capables de tous les deuoirs des
Empereurs, on ne sçauroit assez loüer & priser le
Ministre d’Estat, qui s’aquitte dignement de sa
charge au contentement du Prince, au bien &
soulagement de ses peuples & de son Estat ; mais
aussi on ne peut assez couurir de reproches & de
blasme le Ministre dissimulé, qui n’a l’esprit porté
qu’à ses interests qu’il prefere à celui du Prince de
son Estat, interest qui ruine tout pour faire ses affaires,
interest qui reduit vn Royaume en piteux
estat, & enuoye ses sujets à l’Hospital. Cela ne se
void que trop à nostre grand mal-heur en nostre
Asne Rouge Mazarin, qui est aussi l’objet de la
haine publique, & le but sur lequel le Ciel & la
Terre enuoyent leurs maledictions.

Il se deuroit souuenir du Cardinal de la Cueua
Ministre d’Estat du Roy d’Espagne en Flandres,
apres le départ du marquis de Speriola pour Espagne.
Ce Cardinal qui n’auoit que son interest
particulier, & qui voloit l’or & l’argent que le Roy
d’Espagne enuoyoit pour la guerre de Flandres,

Page précédent(e)

Page suivant(e)


Anonyme [1652], L’ASNE ROVGE, DÉPEINT AVEC TOVS ses deffauts, en la personne du Cardinal Mazarin. I. Sur son incapacité & maniement des affaires. II. Sur son ignorance & ambition démesurée. III. Sur ses actions & entreprises, qui font cognoistre ses trahisons & perfidies, contre l’Estat. , françaisRéférence RIM : M0_85. Cote locale : B_12_56.