Anonyme [1652], L’ASNE ROVGE, DÉPEINT AVEC TOVS ses deffauts, en la personne du Cardinal Mazarin. I. Sur son incapacité & maniement des affaires. II. Sur son ignorance & ambition démesurée. III. Sur ses actions & entreprises, qui font cognoistre ses trahisons & perfidies, contre l’Estat. , françaisRéférence RIM : M0_85. Cote locale : B_12_56.
Page précédent(e)

Page suivant(e)

-- 18 --

plus doux de s’entendre auec les sangsuës de France
les Partisans, Maltotiers & Monopoleurs, pour
auoir part aux vols & larcins qu’ils commettent
sur le peuple par leurs pretendus & tyranniques
partis.

 

Le vray Ministre d’Estat, doit en cette charge
auoir toutes les parties recommandables d’vn hõme
de bien, non porté à d’autre interest, que de
bien & fidellement conseiller le Prince, & trauailler
en la conduite des affaires de son Estat & le
soulagement de ses peuples.

Car celuy qui enseigne ce qu’il faut faire, ne
peut ignorer comme il se fait : c’est pourquoy on
ne trouue pas grande difference entre ceux qui
regnent & ceux qui monstrent comme il faut regner.
Ils n’ont qu’vn but, qui est le salut de l’Estat,
les vns & les autres sont ordonnez pour seruir le
public, & c’est pour cela qu’vn Empereur Romain
disoit, que regner estoit seruir, & comprenoit
cette seruitude en trois mots, seruir au Senat, se soûmettant
au Conseil, seruir à tous, en recherchant le
bien public, seruir aux particuliers, en rendant le
droict à vn chacun & les gardant de tort.

De maniere que celuy qui sçait bien seruir le
Prince, sçait bien seruir l’Estat, qui sçait faire
l’homme d’Estat, sçait faire le Prince : c’est mesme
chose d’ordonner ou de conseiller ce qu’il faut
qu’on ordonne. Tout ce qui sert à bien regner, sert à
bien conseiller celuy qui regne.

Page précédent(e)

Page suivant(e)


Anonyme [1652], L’ASNE ROVGE, DÉPEINT AVEC TOVS ses deffauts, en la personne du Cardinal Mazarin. I. Sur son incapacité & maniement des affaires. II. Sur son ignorance & ambition démesurée. III. Sur ses actions & entreprises, qui font cognoistre ses trahisons & perfidies, contre l’Estat. , françaisRéférence RIM : M0_85. Cote locale : B_12_56.