Anonyme [1652], L’ASNE ROVGE, DÉPEINT AVEC TOVS ses deffauts, en la personne du Cardinal Mazarin. I. Sur son incapacité & maniement des affaires. II. Sur son ignorance & ambition démesurée. III. Sur ses actions & entreprises, qui font cognoistre ses trahisons & perfidies, contre l’Estat. , françaisRéférence RIM : M0_85. Cote locale : B_12_56.
Page précédent(e)

Page suivant(e)

-- 16 --

dés lors le Roy commandoit, qui n’auoit que treize
ans, à la relation de cedit Conseil. A ladite
Assemblée des Estats susdits, surent faites aucunes
requestes & remonstrances en la presence du
Roy & de son Conseil en grande humilité pour
le bien du Royaume, remettant tousiours tout
au bon plaisir du Roy & de sondit Conseil, luy
octroyerent ce qu’on leur vouloit demander, &
ce qu’on leur monstra par escrit estre necessaire
pour le faict du Roy, sans rien dire à l’encontre ;
& estoit la somme demandée de deux millions
cinq cens mille francs, qui estoit assez au cœur
saoul, & plus trop que peu, sans autres affaires, &
supplierent lesdits Estats qu’au bout de deux ans,
ils fussent rassemblez, & que si le Roy n’auoit assez
d’argent, qu’ils luy en bailleroient à son plaisir, &
que s’il auoit guerre, ou quelqu’vn qui le voulust
offenser ; ils y mettroient leurs personnes & leurs
biens sans rien luy refuser de ce qu’il lui seroit besoin.
Estoit-ce à tels sujets que le Roy doit alleguer
priuilege de pouuoir prẽdre à son bon plaisir,
qui si liberalement luy donnoient, ne seroit
il pas plus iuste enuers Dieu & le monde de leuer
par cette forme que par volonté desordonnée ?
Garnul Prince ne le peut autrement leuer que par
octroy, comme dit est, si ce n’est par tyrannie,
& qu’il soit excommunié. Mais il est bien assez
de bestes pour ne sçauoir ce qu’ils peuuent faire
ou laisser en cét endroit.

 

Page précédent(e)

Page suivant(e)


Anonyme [1652], L’ASNE ROVGE, DÉPEINT AVEC TOVS ses deffauts, en la personne du Cardinal Mazarin. I. Sur son incapacité & maniement des affaires. II. Sur son ignorance & ambition démesurée. III. Sur ses actions & entreprises, qui font cognoistre ses trahisons & perfidies, contre l’Estat. , françaisRéférence RIM : M0_85. Cote locale : B_12_56.