pour Mazarin, Paris a receu vn grand Conuoy, nos
Chefs qui nous cõmandoient deuant Brie, fuyoient
comme des diables. Messieurs, vn certain Duc de
Beaufort les a galopés iusque à Saint Germain ; toute
cette Compagnie que vous venez de receuoir sont
ceux qui estoient les plus mal montez, & qui apres
plusieurs coups receus ont enfin payé le tribut à la
nature par la perte de leur vie. L’equipage où vous
nous voyez, est vn indice tres-certain & vn truchement
muet de nostre perte, nous auons tous esté occis
par Monsieur d’Elbeuf ou ses enfans ; nos suruiuans
ne doiuent esperer d’auoir meilleur marché de ses
Princes qui font merueilles. Le Ciel, la Terre, l’air &
l’eau semblent combattre pour eux, & leur bras fait
encore plus, que l’eau, le Ciel, l’air & la Terre. Comme
il eut dit cela, plusieurs de nous s’aduancerent
pour luy demander son nom, mais le grand bruit qui
se leua pour la grande presse qui arriuoit encore, fut
cause que personne de nous ne le peut sçauoir.

Pluton voyant que cette multitude ne cessoit point
apres mesmes vn grand espace de temps, tout estonné
d’où pouuoient venir tant d’ames, me deputa en
ce monde deuers vous pour sçauoir ce qui s’y passoit.
C’est pourquoy, Messieurs, ie viens sçauoir de vous
l’estat de nos affaires, si vous auez occupé toutes les
aduenuës de Paris, si vos trouppes sont aussi meschantes
qu’elles ont tousiours esté, si Monsieur le
Cardinal continuë dans son dessein d’affamer Paris,
& par eschange ie vous aduertis de tout ce qui se passe
aux Enfers où est mon rendez-vous. Car de Purgatoire,