où il confesse ces deux crimes la larme à l’œil,
& la cendre dessus la teste ; voyez la vangeance
que Dieu en prit. La diuision & le glaiue ne se retireront
point de ta maison à iamais, ie rempliray ta famille
Royalle de calamités, & feray enleuer tes femmes
deuant toy, tu m’as offencé en secret, i’en prendray
vengeance publiquement à la veüe de tout le peuple &
deuant les yeux du Soleil.

[4 lignes ill.], &c.

Que vous diray-ie de son petit fils Roboam ?
par l’ordre du Ciel il y eut dix Tributs qui le
quitterent, parce qu’elles ne pouuoient plus
supporter ses exactions ; & chacun sçait
l’histoire de Naboth dont Achab s’estoit confisqué
la vigne par de fauses accusations. Ie l’asserois
la patience du Lecteur, si ie voulois rapporter
tous les exemples de la Bible : on les rencontre
par tout, & l’on n’est en peine que du
chois. Chose estrange ! le Roy Esechias qui d’ailleurs
estoit vn si bon Prince, & pour qui Dieu
auoit fait vn si grand miracle, qu’il en étonna la
nature & en surprit le Soleil, apprit de la bouche
men assante du Prophete, que son sceptre seroit
brisé dans la main de ses enfans, pour ce qu’il
auoit étallé aux Ambassadeurs de Babilonne,
peut estre auec trop d’ostentation, les tresors
& la magnificen ce de son Palais, ou plustost
parce qu’il auoit peché contre le precepte du