Il monstre vne mine superbe,
Sans se souuenir que sur l’herbe
Ses pauures parens ont vescu,
Aussi nuds qu’ils monstroient le cu ;
Et le prouerbe est veritable,
Que chacun ayme son semblable,
Car nostre Ministre aujourd’huy,
Ayme les fourbes comme luy,
Qui descouurent par leur malice
Quelque moyen quelque artifice,
Pour trouuer des nouueaux imposts,
Et pour troubler nostre repos,
Le Vigneron ne peut plus suiure
Son trauail ne pouuant pas viure.
A cause que les garnisons
Auec les mauuaises saisons,
Emportent toutes ses denrées,
Ou bien qu’elles sont esgarées
Par des Partisans malheureux,
Qui nous veulent rendent gueux,
Et le Laboureur pour ses tailles
Ne pût pas jetter ses semailles,
Les vns & les autres ainsi
Ne sont pas vuide de souci,
Ny leurs Gentilshommes encore,
Qu’vn fort grand desplaisir deuore,

Page précédent(e)

Page suivant(e)