De se voir hors de France seule,
Ainsi qu’on a veu son ayeule,
Afin d’y bien remedier,
Elle le doit congedier,
Les plus grands guerriers de la France,
Luy font cette tres-humble instance,
Car ce Ministre n’a pance,
De rendre vne seule recompence,
La valeur luy paroist vn monstre,
Et ne veut pas qu’on luy remonstre,
Que dans la France les guerriers,
Qui sont couronnez des lauriers,
Ont coustume de leur Monarque,
Receuoir vne iuste marque,
De la royalle affection,
Qu’il a pour leur perfection,
Le Mazarin estime habille,
Vn homme qui suit son stille,
Et qui se delecte à joüer :
C’est celuy qu’il veut aduoüer,
Pour vn homme digne de gloire,
Et qui merite que l’histoire,
N’en puisse parler iamais trop,
Parce qu’il joüe bien à l’hoc,
Les grands esprits & gens de lettres,
Sont ses ennemis & les traistres,

Page précédent(e)

Page suivant(e)