L’affaire qui concerne les alliez de l’Estat, ne
me sera pas si facille à renoüer, & les Suedois, les
Princes cõfederez d’Allemagne, les Hollandois
auront bien de la peine à n’estre point choqués
des nouuelles de mon restablissement ; lors qu’ils
se resouuiendront de ma lascheté ordinaire à les
secourir lors qu’ils estoient trauersez ; des grands
manquemens de foy que ie leur ay fait, en leur
donnant souuent mille paroles sans en tenir pas
vne ; des iustes payemens dont ie les ay frustrez
pour en retenir les sommes, & des obstacles que
i’ay opposez à la paix de Munster, lors qu’elle
s’en alloit estre concluë, au grand soulagement
de toute l’Europe : Le Grand Seigneur se sentira
interessé dans ce retour, par le souuenir de l’iniustice
que i’ay fait à ses subiets Armeniens qui vogoient
sur la Mediterranee, les ayant fait voler
par le Cheualier Paul, & n’ayant iamais voulu
consentir à leur rembourcement : Genes, la
Toscane, l’Angleterre, Hambourg & les villes
Anseatiques d’Allemagne, auront de la peine à
ne s’iriter point de ce restablissement, sur le souuenir
des brigandages & des pirateries, que i’ay
fait exercer sur les mers Oceanes & Mediterranée,
au preiudice de la neutralité qui estoient entre
ces prouinces & la France.

Mais neãmoins ie pense qu’il est encore quel-resource
pour ce desespoir, principallement