liez pieds & mains, vn baillon dans la bouche, laquelle
mourut pendant que l’on forçoit ces deux
belle filles l’vne agée de dix ans, & l’autre de treize
lesquelles sont mortes deux heures apres.

Au mesme village fut attachee vne vieille femme
à la cheminée, luy brulerent la plante des pieds
auec vne pelle toute rouge, & la nature pour luy
faire dire où elle auoit son argent, mourut en mesme
temps.

Dans ledit village de Tourelle l’Eglise y a esté
pillée, beaucoup de personnes qui s’y estoient retirées
ont esté massacrees, violées dans ladite Esglise.

Les villages d’autour la Riuiere Dattigny tous
brulez, beaucoup de Bourgeois & païsans ont esté
martyrisez par ces démons, comme vous pouuez
voir cy-apres.

Vn nommé Darbois fut pendu dans sa maison
auec toute sa famille, à la reserue de sa fille qui fut
violée par plusieurs Allemans.

Au village de Machaut, ils ont massacré quantiré
de personnes, bruslé la pluspart des maisons,
pillé l’Eglise, violé les filles de toute age de sept
à huict ans.

Vous sçauez que le Chasteau de sainct Lambert
où estoit Monsieur de Ioyeuse a esté forcé, pillé,
& ont massacré toutes les personnes qui estoient
dedans.