ne cherchent d’autre moyen pour l’appaiser que
la soûmission & l’obeïssance.

Response à
la seconde
obiection.

Qui monstre
le zele
qu’à M. le
Prince
pour la
paix.

Ce pouuoir absolu du Roy sera mesnagé par
les Agents du Ministre, & ayans en main l’execution
de ses volontés à raison de leurs charges,
ils auront assez d âdresse pour la faire aboutir au
poinct de leurs pretentions, qui ne void que ces
persõnes haïes du peuple & resoluës de bâtir leur
maison de sa ruine, auoient besoin de forces
pour agir efficacement auec la contrainte, & de
la guerre pour donner pretexte aux leuées excessiues
qu’elles font dans les Prouinces ?

Puis que c’est aux seuls Mazarins que la guerre
profite, faut-il douter que c’est eux qui l’entretiennent
à present, & non pas Monsieur le Prince
qui ne recherche que la paix, & ne peut souhaiter
autre chose, s’il connoist les auantages de sa maison,
s’il considere le bien de l’Estat, & celuy
du peuple comme il a tousiours fait. Pour le
moins la médisance qui nous veut faire croire
que son ambition luy donne des desseins sur l’Estat,
doit aduoüer que pour les faire réüssir, il
n’est rien qui puisse tant y contribuer que la paix
generale ; & partant qu’il n’est rien que sa politique
doiue iuger si necessaire. En ce cas, la paix
desarmeroit la puissance que son dessein luy feroit
attaquer, elle luy seroit donc profitable ; & la
guerre au contraire ne pourroit estre que grandement