& attiré dans nos prouinces, pour nous
apprendre par nostre desolation qu’ils nous
auoient suffisamment vengez de nos ennemis.
La guerre Ciuile reculoit sans doute la paix que
nous recherchons auec l’Estranger, luy donnoit
le moyen de regagner ses pertes, porter le rauage
par tout, & profiter de nostre sotise durant
cette campagne autant qu’il profita l’Esté
passé, de la malice & de l’auarice de nostre Ministre,
qui ne cherchoit que des pretextes pour luy
laisser tout faire. Il ne sçauroit arriuer à la France
vn plus grand mal-heur que le dessein ou la necessité
de faire vne guerre Ciuile, apres que les
ennemis ont épuisé ses forces, que le Mazarin
la depoüillée d’argent, & notablement affoibly
l’authorité Royale, par sa conduite. Il est
certain qu’elle seroit à cette heure allumée par
tout le Royaume si Monsieur le Prince eut attaqué
le party du Mazarin auec la vigueur d’vn
guerrier. Sa moderation nous à exempte de
tous les maux qui deuoient en reussir. Il
nous faut donc reconnoistre qu’il a consideré
nos interests, prenant la resolution de n’employer
contre ses ennemis que la vigueur des
loix & de la Iustice. Qu’on y prenne bien garde,
& l’on verra qu’il ne pouuoit s’ecarter de cette
moderation, qu’il ne se broüillast auec tous ceux
qui peuuent luy donner l’obligation de rien entreprendre,

Page précédent(e)

Page suivant(e)