qu’il a merité. C’est des Estats qu’on doit attendre
cette resolution, & non pas du Parlement,
qui vient fraichement de luy ouurir Sedan par
vn Arrest. Les grandes esperances qu’ont ces
Messieurs qui portent le mortier, ou qui en approchent,
en font des Courtisans, & non pas des
Iuges. La complaisance regle leurs suffrages &
non pas la verité connuë, ou le zele du bien public.
L’experience l’a fait voir dans tous les
Parlements qui ont eu besoin de maintenir
leurs interests particuliers ou ceux de leur prouince
contre les entreprises du Ministre ou de
ses Partisans, que les dernieres Chambres ont
témoigné plus de vigueur & d’opiniastreté pour
l’interest commun, que les plus hautes. Ceux qui
composent l’assembleé generale des Estats, sont
des Deputez des Prouinces autant détachez de la
Cour qu’ils en sont esloignez, qu’on n’a choisi
que pour leur integrité, pour leur zele & la connoissance
qu’on a de leur experience. Voila qui
ne sçauroit opiner que pour l’esloignement du
Mazarin auec la persuasion qu’a toute la France,
que c’est luy qui l’a perduë par sa conduite imprudente
& malicieuse, que c’est vn esprit qui ne
vaut qu’à broüilier, qu’il ne manqueroit pas incontinent
apres son retour de rechercher sa vengeance,
pour obliger ses ennemis par la necessité
de la defense, ou autrement, à former vn
party & donner commencement à vne guerre

Page précédent(e)

Page suivant(e)