laisse à penser si cét esprit malicieux preuenu de
ces pensées, est disposé à faire bon party à Mr le
Prince, au cas que la fortune vint à luy rendre les
auantages qu’elle luy auoit autrefois donné dans
ce Royaume. Il y a grande apparance qu’agissant
auec l’authorité d’vn Roy majeur ce Ministre
entreprendroit ce que sa timidité naturele,
ses interests, le desir d’estre absolu, & son humeur
brutale eschauffée par la vengeanee luy
pourroient suggerer contre vn aduersaire si redoutable.
Apres auoir experimenté qu’il n’en
a poit fait assez pour ses desseins & pour sa seureté
en esclipsant ce Soleil, qu’elle resolution
cét interessé pourroit-il prendre que de l’esteindre
tout à fait, & nous priuer de sa lumiere
pour se deffendre de ses ardeurs ; Apres auoir
veu que la prison n’auoit pas esté suffisante pour
arrester les effors de cet heros, & le deliurer de
ce grand obstacle de sa fortune & de sa malice,
pourroit-il se satisfaire qu’en passant outre,
& commettant sur sa personne le crime
que ie n’ose pas declarer, & que ce meschant
homme ne feroit pas difficulté d’entreprendre ?
Son naturel brutal en pourroit trouuer les
moyens dans la violence, son esprit de protée
dans les surprises, & son adresse à mentir, dans
les calomnies estudiées : Si l’on mesprisoit ses
grandes promesses auec la connoissance qu’on

Page précédent(e)

Page suivant(e)