d’vn premier Ministre, ce qu’il a refusé autrefois,
ce qu’on n’auoit pas osé demander, ce que l’ambition
d’vn Prince digne de tout peut esperer,
& l’extrauagance conceuoit ; Mais ses promesses
sont de telle nature qu’elles donnent le de espoir
à ceux qui sçauent en recognoistre la perfidie,
cõme celles des gens de bien, produisent l’esperance
auec des ioyes qui ne valent guerre moins
que la iouissance ; Bien souuent elles ressemblent
à ces nuages qui font esperer l’abondance aux
terres seiches, & ne leur portent que la desolation
& le rauage. Il auoit tout promis à Monsieur le
Prince pour sa protection, sans laquelle sa premiere
sortie de Paris, n’auroit pas moins esté vn
veritable banissement que la seconde ; comment
là il payée ? de la façon qu’on deuoit attẽdre d’vn
lasche, qui considere l’hõneur & l’infamie auec indifference,
d’vn scelerat qui a renoncé à la vertu,
& n’en veut que l’apparance lors qu’elle sert mieux
que le vice à sa Politique. Ses promesses ne
sont que des amusemens pour rendre l’ambition
esclaue, & la payer auec des biens enchantés qu’on
n’a iamais & qu’on croit tousiours tenir : ce ne
sont que des pieges tendus à l’innocence, s’il rencontre
quelle soit credule : ce sont les plus grandes
aydes qu’il trouue pour faire reussir ses fourbes ;
Et cette cognoissance qui ne manque à personne,
doit asseurement estre suffisante pour nous

Page précédent(e)

Page suivant(e)