Anonyme [1649], LE TOMBEAV DE LA PAIX. , françaisRéférence RIM : M0_3781. Cote locale : B_16_3.
Page précédent(e)

Page suivant(e)

-- 6 --


Qu’on veut reboucher les passages,
Et que tes iours te sont comptez :
C’est vn dessein assez funeste
Pour te faire craindre le reste,
Car ce traistre de Cardinal
Ne te promet pas poire molle
Puis que son humeur l’affriolle
A te faire tousiours du mal.

 

 


Crois moy qu’il ne doutera pas
Pendant qu’il y trouue l’amorce,
De tousiours employer sa force
Pour la perte & pour ton trespas :
Sa haine est trop inueterée,
Pour n’estre pas demesurée,
Ioint aussi que sa nation
Ne pardonne point à personne
Quand vn vent propice luy donne
Le chemin à l’ambition.

 

 


Il nous prepare vn grand combat,
Mais ce qui plus me reconforte
Est que la rage qui l’emporte
N’est point iuge de son debat,
Souuent le sort se fait prospere
A celuy qui vit en misere,
Et quelque fois d’autre façon
L’homme qu’il a fait honorable
Page précédent(e)

Page suivant(e)

Anonyme [1649], LE TOMBEAV DE LA PAIX. , françaisRéférence RIM : M0_3781. Cote locale : B_16_3.