intemperie, par son trop long sejour, vous pourroient
à l’avenir engendrer quelque qualité delesilique, qui
par sa virulante malignité, vous sphacelleroit cette venerable
partie, au grand regret de la Segnora Foutaquina,
& de mille autres, qui en mourroient de fascherie, si
ce funeste accident arriuoit ; quoy que la principale perte
fust la vostre ; car estant mutilé de la sorte, vous seriez
à jamais frustré de vostre grande esperãce, sçauoir qu’on
vous recõnoistroit indigne de pouuoir occuper la Chaire
de Sainct Pierre, faute d’auoir les témoins requis pour
auoir seance en cette dignité, depuis la fourberie que
l’on dit de la Papesse Ieanne. La douleur de l’vn & de
l’autre, vous pourroit si puissammẽt demonter les roues
de vostre esprit, crainte de ses inconueniens, qu’estant
priué de l’éguille & de ses deux cõtrepoids, vostre monstre
se trouueroit inutile, tant au Soleil qu’à la Lune ; ce
qui seroit l’entier acheuement de vostre disgrace. Prévoyant
à tout cela, i’ay trouué à propos de vous faire la
presente Ordonnance, par laquelle, comme par l’aide
de Dieu, ie pretens vous preseruer de tous ces maux, &
de plusieurs autres.

R. fol. titimali, Iatri, mandragoræ ana. pug. viii. Rad ?
rafani, siluestris, cucumeris agresti, ana, lib. iv. bulliant
in sufficienti quantitate aquæ, in cuius decocto dissolue,
catholici arsenicati, vne. vi diaphenici cum aconito cõpositi
drag. elebori recentis opii, & reagali scrup. vii.
fiat potio clarificetur & aromatizetur trium generum,
toxicorum recentium.