semé en pleurs, moissonnent maintenant en liesse :
& cela a esté fait ainsi par vostre misericorde, afin
que ceux qui font toutes choses, comme s’ils ne
croyoient pas en vous, soyent confus, par le moyen
des graces qu’il vous a pleu de nous faire. Les simulachres
sont des ouurages faits des mains des
hommes : Ils ont bouche & ne parlent point, ils ont
veuë & ne voyent point, ils ont oreilles & n’entendent
point, ils ont narines & n’odorent point, ils
ont mains & ne tastent point, ils ont pieds & ne
marchent point, & ils ont gorge & si ne crient point.
Que ceux qui nous viendront persecuter d’ores-en-auant,
soient faits semblables à ces idoles, & tous
ceux qui se confieront en leur vertu & en leur puissance.
Le peuple de France a tousiours esperé au
Seigneur, & sa Diuine Bonté a tousiours aussi esté
leur gloire & leur defense. Le Seigneur Dieu a tousjours
en memoire, & si il a pris soin de nous benir de
sa propre bouche. Nous sommes benits du Seigneur
qui a creé toutes choses, & qui a donné la terre aux
fils des hommes. Seigneur Dieu, les morts ne vous
loüeront pas, & moins encore ceux qui descendront
aux Enfers : mais nous qui viuons, & qui vous auons
tant d’obligations de la Paix que vous nous auez
donnée, nous vous benirons iusques à la fin des
siecles.

Psal. 129.

Psal. 125.

Psal 112.