dauantage le feu, qui en sa naissance se
peut étouffer sans beaucoup de peine. Comme
l’Eclypse du Soleil attire apres soy vn malheur
ou vne contagion mortelle, de mesme la faute
que commer vn Roy bien que petite, engendre
de grands troubles parmy ses subiects. Les choses
passées peuuent estre reprises, mais non pas
corrigées, il ne se faut point haster quand il est
question de prendre Conseil d’affaires importantes :
la promptitude est ennemie de la raison,
& nous aueugle le iugement. Tout ce qui
se faict par precipitation ne peut auoir bonne
yssuë.

Vous estes plus à vostre Peuple, Sire, que le
peuple n’est à vous : c’est pourquoy vostre Maiesté
doit veiller pour lui comme pour vn corps
dont elle despend entierement. La plus belle
Couronne dont vous sçauriez estoffer vostre
gloire, c’est celle que vous aurez meritée pour
la conseruation des Citoyens de vostre Monarchie.
Si ceux qui conseillent à vostre Maiesté
de prendre les armes, vous remonstroient premierement
les dangers où elle se plonge, & les
accidens qui en peuuent arriuer, ie croy qu’elle
se retireroit du precipice où elle s’achemine :
mais ce sont broüillons qui ne vous monstrent
qu’vn costé de la Medaille, ils vous cachent celuy
auquel vous reconnoistriez leurs desseins
pernicieux, qui ne tendent qu’à se maintenir
aux despens de la ruyne totale de vostre Royaume.

Caton disoit qu’vn Empereur estoit digne
de louange, qui commandoit à ses passions,