Le Silence au bout du doit,
SAINCT Augustin fait recit dans sa Cité de
Dieu, d’vne certaine Idole nommé Harpocrate,
laquelle estoit si vniuersellement respectée
de tous les Peuples, que de tous costez on venoit
au Temple dedié en son honneur, pour luy offrir
des sacrifices, luy rendre des respects, & luy presenter
des offrandes. Mais ce qui est plus à remarquer,
c’est qu’aupres de l’autel, ou reposoit cette
mesme Idole, il y auoit la figure d’vn nommé Hermocrate,
qui estoit representé mettant le doigt dessus
sa bouche, pour dire qu’il ne falloit pas declarer
à personne, que Herpocrate estimé de tout le monde
comme vn Dieu, n’auoit esté autrefois qu’vn
homme mortel, suiet aux mesmes foiblesses & aux
mesmes infirmitez que les autres. En effect, cela
sans doute auroit beaucoup diminue de la creance
que cette fausse Diuinité s’estoit acquise dans l’esprit
des peuples supesticieux, s’ils eussent en la pensée,
qu’elle tirat son origine de la terre, & qu’elle
n’auoit aucun merite, pour estre adoré comme elle
estoit. S’il nous est permis de passer des histoires profanes
aux Sainctes, & de mesler le mensonge parmy
la verité, ne remarquons-nous pas que l’Apostre
frinct Paul assure, que le grand Preste Melchisedech
estoit sans pere, sans mere, sans genealogie ?
non pas qu’il n’eut des parens & vne naissance comme
Anonyme [1649 [?]],
LE SILENCE AV BOVT DV DOIGT. , français
Référence RIM : M0_3674. Cote locale : D_1_41.