le Royaume (comme dit Cassiodere) n’est autre
chose qu’vne republique sous la garde du souverain,
ou de fait Pericles fut griefuement repris de
ce qu’il auoit dit aux Ambassadeurs des alliez qu’ils
n’auoient point d’interest, a quoy les finances
fussent employees.

Si du moins on les auoit fait passer par l’Espargne
ce seroit quelque chose, mais on ne les
prend que sous son recepicé, & par des comptans.

Ce n’est pas sans cause, Sire, que ce Sesanus
entreprend sur vostre auctorité, & si les bons &
vieux seruiteurs du feu Roy vostre pere qui ont le
mieux faict, & qui iusques à present ont maintenu
vostre Couronne, sont chassez, les vns
menassez, les autres mal traictez & banis de la
Cour & des affaires, les faustes accusations & les
calomnies ne sont point encore esteinctes, il se
trouvera encores ie m’asseure quelque nouvelle
mendiolle pour attaquer quelque grands Officiers
de la Couronne, & faire bailler leur confiscation
aux confidens de Sesanus quelque Iuif ou
Maranne qui pourra entreprendre d’empoisonner
nos Princes, il a enuoyé des billets aux
Officiers Souverains pour n’aller plus aux assemblée,
comme aussi il a exilé de vos meilleures
villes, plusieurs autres bons bourgeois & Citoyens
plus affectionnez à vostre seruice que ne fut