& trauailler nuict & iour pour le salut de
tous ? Qu’est-ce à dire ; sinon que la charge du Prince,
& son but ne doit estre autre que le salut du Peuple ?
c’est à dire faire iustice.

Oyez & prenez ce que disoit Tybere au Senat de
Rome, & vous iugerez auec quel conscience on vous
persuade de mespriser les Parlements, ie vous ay dit
plusieurs fois (disoit ce Prince) & le vous dis encore
que tout bon & iuste Prince doit servir au Senat à
tous les Cytoiens le plus souvent & tousiours à chacun
d’eux en particulier, & ne me represente point
de l’avoir dit ainsi, belles paroles dignes d’vn grand
Monarque, & qui ne peuvent estre prononcées que
par vn esprit vrayement divin, voila l’entiere instruction
d’vn Prince, qu’il serue (dit-il) c’est à dire qu’il
escoute, qu’il defere au Senat, qu’il croye les bons &
fidels Conseillers, qu’il cherche & procure le bien du
peuple, & qu’à chacun il face iustice & empesche les
oppresions, hors de la il n’y a point de Prince.

Ce que Traian considerant lors qu’il donnoit au
Preteur l’espée de iustice, ayant pouvoir de vie & de
mort, tenez (luy disoit-il) si ie commande quelque
chose avec iustice pour le salut de tous, employez la
pour moy, si autrement, vsez en contre moy.

Representez-vous que les Roys ne sont que depositaires
de Couronnes, & de faict Adrian l’Empereur
avoit coustume de dire qu’il se porteroit à la directiõ
de la chose publique, comme si l’affaire du peuple