que chacun sçait de ne les abandonner en vne
occasion si importante & si necessaire, & persuader la
Royne de permettre de donner les seuretez qu’ils demandent
pour reuenir en Cour.

Cesar craignant de rendre compte des charges qu’il
auoit euës s’empara de l’Estat & se fit souuerain, & Pericles
ietta le peuple d’Athenes à la guerre pour le
mesme sujet : ainsi fait Sesanus lors que l’on parle de la
recherche de sa vie, il arme tout l’Estat, & veut la
guerre.

Car il a bien consideré que le gouuernement de
Paris, que le Bois de Vincennes ny autres forteresses
n’estoient assez fortes pour asseurer sa vie contre la
haine generale & publique que la France a conceuë
contre luy : car de penser qu’vn tyran se puisse guarantir
par force, c’est vn abus, tesmoins les Empereurs
Romains, qui ne laissoient d’estre assassinez encores
qu’ils eussent quatre legions d’ordinaires prés de leurs
personnes seuls, pour estre maintenus.

Vostre Maiesté a veu par la lettre de Monsieur la
Prince & par sa declaration, la tres-humble soubmission
de l’obeyssance qu’il apporte à ce qui est de vos
commandemens, il ne vous demande ny argent, ny
honneur, ny dignitez, ny recompense, ny places fortes,
ny aucunes choses pour son particulier, comme
ses ennemis publies, & que l’on a fait escrire par toute
la France sous le nom de vostre Maiesté, son vnique
but est vostre seruice, & pour son affection le bien