de la foiblesse de Mazarin à conspirer d’autant
plus fortement contre luy, que plus ils
ont sujet d’en esperer vne glorieuse defaite.

La raison que M. de Chasteau neuf à desperer
que ces propositions de la Cour quelques
auantageuses qu’elles semblent estre,
seront neantmoins rebutées de S. A. R. &
de M. le Prince, c’est qu’il a remarqué dans
la conduite du C. Mazarin, que les belles promesses
seruent de bonne aparence à ses fourberies
ordinaires lors que sa fortune est reduite
au desespoir, & que cette mesme connoissance
que S. A. R. & M le Prince en ont ne
manquera pas de les leur faire renuoyer,
auec dessein cependant d’en tirer auantage,
par vne plus forte & plus parfaite intelligence.

Ce n’est neantmoins plus le seul motif de
cette belle intrigue. Ce grand personnage a
iugé que pour liguer plus intimement S. A. R
& M. le Prince, c’est à dire pour perdre le
C. Mazarin, il falloit tacher de leur faire
porter des propositions, qui leur fissent connoistre,
qu’ils n’agissoient en cette conioncture
que par le seul motif de leurs interests
particuliers ; afin que leur generosité se trouuant
rebutée de cette creance, se roidit dautant