nouuellement chassé de ce S. Empire la confusion
& le desordre, & inseparablement reüny,
les testes couronnées & les autres Princes & Potentats
d’Allemagne auec le S. Empire ; dont
toutes sortes de Nations à la reserue de celle
d’Espagne, ne souhaitent plus que son honneur,
son agrandissement, & sa gloire ?

Combien de fois a t’on veu durant cette vniuerselle
diuision, le Danube, le Rhin, & la Moselle,
rougir du sang des Chrestiens, animez les
vns contre les autres à vaincre ou à mourir ? Le
nõbre de ceux qui ont suby sous la rigueur des
armes, sous l’horreur de la faim, ou sous l’effort
mortel de la peste, qui accõpagnẽt tousiours la
guerre, est si grãd, que s’il viuoit encore, il seroit
suffisant ; non pas seulement de surmonter le
Turc : mais de se rendre encore victorieux de
tous les autres Monarques infidelles.

Ce qui donna naissance à tant de maux, & à
tant de rauages, fut la violente persecution que
la maison d’Autriche fit aux plus grands Princes,
& Potentats d’Allemagne, sous le pretexte
de religion. Ainsi agissant, & contre leurs personnes
& contre leurs biens, & contre la liberté
de leurs propres consciences, la plus grande parties
de ces Souuerains, vit bien tot apres ses
Estats occupez, & vsurpez par vne domination
autant iniuste, que les Autricheans la publioient
équitablement ; y auoit-il rien de plus raisonnable,