O Dieu ! que nos conditions seroient pitoyables,
si nos vies & nos biens estoient à la discretion
d’vn Monarque capricieux ; & que nous aurions
grand sujet de reprocher à nos ancestres la perte
de nostre liberté, dont ils ioüissoient encor à la
naissance de cette Monarchie, lors qu’auec tant
d imprudence, ils la soumirent à la captiuité pretenduë
d’vn si cruel esclauage. Quel plaisir devoit
des Nerons qui se font bastir des tours de verre
pour repaitre leur cruauté de l’incendie de leurs
villes ! De voir des Caligulas qui creuent les yeux
auec le bout du doigt, à ceux qui se presentent deuant
eux pour les feliciter dans leur auenement à
l’Empire, de voir des Messalines qui forcẽt les plus
honnestes filles de se venir prostituer dans les bordels
de leurs maisons Royalles.

Histoires de nos ayeux, sacrez Depots de l’Antiquité,
monumens venerables de tous les debris
des Estats, vous deuiez auoir espargné cette honte
à vos relations ; & n’auoir transmis iusques à
nos temps, que des exemples d’vn gouuernement
qui seruir d’alechement à nos Rois, pour aiuster
leur conduite au modelle de celle que vous leur
auriez fait admirer : Et ceux qui font passer les
exemples horribles que vous leurs donnez, pour
des preiugés de l’impunité qu’ils esperent dans
l’imitation d’vne semblable conduite, ne seroient
peut-estre pas si hardis que de suiure aueuglemẽt
les boutades d’vne ambition desreglée pour s’emporter